საქართველოს კომუნიკაციების ეროვნულ კომისიაში გამართულ სხდომაზე შპს „ჯეოლაინმა“ ნუმერაციის რესურსით სარგებლობის ნებართვა მიიღო. კომპანიამ ნუმერაციის რესურსი – 903 100 100 – 903 100 149, სულ ორმოცდაათი სააბონენტო ნომერი ინტელექტუალური ქსელებით, დამატებული ღირებულების, ინტერაქტიული მომსახურებისთვის უნდა გასცეს. ნუმერაციის რესურსის მოქმედების გეოგრაფიული ზონა საქართველოს მთელი ტერიტორიაა, ნებართვის მოქმედების ვადა ექვემდებარება ყოველწლიურ განახლებას.ნებართვის მფლობელი კომპანია ვალდებულია აღნიშნული ნუმერაციის რესურსი გასცეს მხოლოდ ისეთ აბონენტზე, რომელებიც ინტელექტუალური ქსელებით, დამატებული ღირებულების (ინტერაქტიული) მომსახურებას ახორციელებენ.გადაწყვეტილების სრული ვერსია, გთხოვთ იხილოთ კომისიის გადაწყვეტილებების გვერდზე.