შპს „ჯეოსელმა“ ნუმერაციის რესურსით სარგებლობის ახალი ნებართვა აიღო
საქართველოს კომუნიკაციების ეროვნულ კომისიას განცხადებით შპს „ჯეოსელმა“ მიმართა და ტექსტური/მულტიმედიური შეტყობინებების ნომრებით უფასო არასატელეკომუნიკაციო სერვისის მიწოდების უზრუნველსაყოფად ნუმერაციის რესურსით სარგებლობის ნებართვა ოც სააბონენტო ნომერზე მოითხოვა.
კომისიის გადაწყვეტილებით მობილურ ოპერატორზე №N375 ნებართვა გაიცა, შემდეგ ინდექსზე: 90050-90069. ნებართვის გეოგრაფიული ზონა საქართველოს მთელი ტერიტორიაა, ის უვადოა და ექვემდებარება ყოველწლიურ განახლებას.
გადაწყვეტილების ვრცელი ვერსია ხელმისაწვდომია კომისიის გადაწყვეტილებების გვერდზე.