საქართველოს კომუნიკაციების ეროვნულმა კომისიამ დღეს გამართულ სხდომაზე შპს „მაგთიკომის“ მოთხოვნის საფუძველზე ნუმერაციის რესურსით სარგებლობის სამი ნებართვა გასცა.

მობილური ოპერატორი ინტელექტუალური ქსელებით (დამატებული ღირებულების) მომსახურებისთვის და ამ ქსელების აბონენტების ტერმინალური მოწყობილო­ბების იდენტიფიცირებისათვის ნუმერაციის რესურსით სარგებლობის სამ ნებართვას ითხოვდა.

კომისიის გადაწყვეტილებით შპს „მაგთიკომზე“ გაიცა შემდეგი ნებართვები:

ნუმერაციის რესურსი: 901 500 51X-დან - 901 500 59X-ის ჩათვლით (სულ ოთხმოცდაათი სააბონენტო ნომერი) ინტელექტუალური ქსელებით, დამატებული ღირებულების (საქველმოქმედო) მომსახურებისათვის.

ნუმერაციის რესურსი: 900 100 1XX (სულ ასი სააბონენტო ნომერი) ინტელექტუალური ქსელებით, დამატებული ღირებულების (გარდა საქველმოქმედო, მოზრდილთათვის და ავტომატური ინტერაქტიული მომსახურებებისა) მომსახურებისათვის.

ნუმერაციის რესურსი: 902 200 2XX (სულ ასი სააბონენტო ნომერი) ინტელექტუალური ქსელებით, დამატებული ღირებულების (მოზრდილთათვის) მომსახურებისათვის და ამ ქსელების აბონენტების ტერმინალური მოწყობილობების იდენტიფიცირებისათვის, ავტორიზებული საქმიანობისთვის.

გადაწყვეტილების სრული ვერსია, გთხოვთ იხილოთ კომისიის გადაწყვეტილებების გვერდზე.