საქართველოს კომუნიკაციების ეროვნულმა კომისიამ დღეს გამართულ სხდომაზე  შპს “მაგთიკომს”, შპს ”ჯეოსელს” და შპს ”მობიტელს” სანქციები დააკისრა.  აღნიშნული კომპანიებს მიერ მომხმარებლებთან გაფორმებული მობილური სატელეფონო მომსახურების ხელშეკრულებები არ შეესაბამებოდა ”ელექტრონული კომუნიკაციების შესახებ” საქართველოს კანონoსა და ”ელექტრონული კომუნიკაციების  სფეროში მომსახურების მიწოდებისა და მომხმარებელთა უფლებების დაცვის რეგლამენტის” მოთხოვნებს, აბონენტებს ხელშეკრულებების გაფორმებისას არ მიეწოდებოდათ მომსახურების მიწოდების არსებითი პირობები (მომსახურების ტარიფები, მომსახურების შეზღუდვისა და შეწყვეტის პირობები და სხვ.).

შპს ”ჯეოსელს” და შპს ”მობიტელს” სანქციის სახით გაფრთხილება მიეცა, ხოლო                   შპს ”მაგთიკომი” 30 000 (ოცდაათი ათასი) ლარით დაჯარიმდა.

კომისია განმარტავს, რომ  შპს ”მაგთიკომი” ბოლო ერთი წლის განმავლობაში უკვე იყო სანქცირებული, კერძოდ კომისიის 2011 წლის 16 დეკემბრის №784/18 გადაწყვეტილებით          შპს ,,მაგთიკომს” მიეცა გაფრთხილება, ამიტომ ამჯერად მის მიმართ კანონმდებლობის შესაბამისად გამოყენებულ იქნა კანონით გათვალიწინებული პასუხისმგებლობის სახე - ჯარიმა. ვინაიდან შპს ”ჯეოსელი” და შპს ”მობიტელი” ბოლო ერთი წლის განმავლობაში არ იყვნენ სანქცირებულნი კომისიამ ისინი მხოლოდ გააფრთხილა.

გადაწყვეტილების სრული ვერსია, გთხოვთ იხილოთ კომისიის გადაწყვეტილებების გვერდზე.