შპს „მობიტელი“ #F39 ლიცენზიის მოქმედების ვადის გახანგრძლივებაში 1 109 019 ლარს და 50 თეთრს გადაიხდის
საქართველოს კომუნიკაციების ეროვნულმა კომისიამ შპს „მობიტელის“, ბრენდული სახელწოდება - „ბილაინის“ #F39 რადიო-სარელეო კავშირისთვის განკუთვნილი ლიცენზიის მოქმედების ვადის მომდევნო ათი წლით გახანგრძლივების გადაწყვეტილება მიიღო.
კომპანია #F39 ლიცენზიით მომდევნო ათი წლით სარგებლობისთვის საქართველოს ცენტრალური სახელმწიფო ბიუჯეტის სასარგებლო საერთო ჯამში 1 109 019 ლარს და 50 თეთრს გადაიხდის, აღნიშნული თანხის 30%-ს (332 705,90 ლარი) შპს „მობიტელი“ ერთი თვის ვადაში დაფარავს, დარჩენილ თანხას კი მომდევნო ექვსი თვის განმავლობაში, კომისიის გადაწყვეტილებით განსაზღვრული გრაფიკის შესაბამისად ჩარიცხავს.
კომისიის გადაწყვეტილების ვრცელი ვერსია ხელმისაწვდომია კომისიის გადაწყვეტილებების გვერდზე.