საქართველოს კომუნიკაციების ეროვნულმა კომისიამ 9 ივნისს გამართულ სხომაზე დააკმაყოფილა შპს „სტარვიზიის“ მოთხოვნა ციფრულ მიწისზედა ღია საეთერო სატელევიზიო ქსელით გავრცელების გეოგრაფიული არეალის გაფართოების თაობაზე.

შპს „სტარვიზია“ კერძო საერთო ტელემაუწყებლობაზე ავტორიზებული პირია, რომელიც ტელემაუწყებლობას ინტერნეტ ტექნოლოგიით და საკაბელო ქსელის გამოყენებით ახორციელებდა.

კომისიის გადაწყვეტილებით კომპანიამ ციფრული მიწისზედა ღია საეთერო სატელევიზიო ქსელით რუსთავის, ბოლნისის, მარნეულის, საგარეჯოს, გურჯაანის, თელავის, გორის, ხაშურის, ჭიათურას, ზესტაფონის, ქუთაისის, ხონის, სამტრედიას, სენაკის, ფოთის, ზუგდიდის, წალენჯიხის, ოზურგეთის, ბათუმის, ბორჯომის და ახალციხის მულტიპლექსებით გავრცელების უფლება მიიღო.

კომისიის გადაწყვეტილების ვრცელი ვერსია ხელმისაწვდომია კომისიის გადაწყვეტილებების გვერდზე.