საქართველოს კომუნიკაციების ეროვნულმა კომისიამ ტელეკომპანია „TV3“ განცხადების საფუძველზე რადიოსიხშირული სპექტრით სარგებლობის ლიცენზიის გასაცემად აუქციონი გამოაცხადა.

რადიოსიხშირული სპექტრით სარგებლობის ლიცენზია კომპანიას თბილისის ტერიტორიიდან – მთაწმინდის სატელევიზიო ანძამდე მობილური ჩართვებისთვის სჭირდება.

რესურსით სარგებლობის საფასურის საწყისი ოდენობა 2966,40 (ორი ათას ცხრაას ცამოცდაექვსი და 40) ლარით განისაზღვრა. აუქციონზე ერთი ბიჯი შეადგენს რესურსით სარგებლობის საფასურის საწყისი ოდენობის 5%-ს, დამრგვალებულს მთელ რიცხვამდე, ამ შემთხვევაში, 148 (ასორმოცდარვა)  ლარს.

აუქციონი საქართველოს კომუნიკაციების ეროვნულ კომისიაში 2014 წლის 28 აპრილს 13:00 საათზე გაიმართება. აუქციონში მონაწილეობის მიღების მსურველთა საბუთების მიღება კი 2014 წლის 11 აპრილის 17:00 საათამდე იწარმობს.

გადაწყვეტილების ვრცელი ვერსია, გთხოვთ იხილოთ კომისიის გადაწყვეტილებების გვერდზე.