შპს „ვი-ეს“-ის რადიომაუწყებლობის ლიცენზიის შპს „მომავლის რეკლამისთვის“ გადაცემაზე წინასწარი თანხმობა გაიცა
საქართველოს კომუნიკაციების ეროვნულმა კომისიამ, 11 თებერვალს გამართულ სხდომაზე შპს ”ვი-ეს”-ს მის მფლობელობაში არსებული კერძო მაუწყებლობის №B59 ლიცენზიის შპს ”მომავლის რეკლამისთვის” (რადიო „დარდიმანდი“) გადაცემაზე წინასწარი თანხმობა მისცა.
შპს „ვი-ეს“ ქ. ქუთაისში 105.0 მგჰც სიხშირეზე კერძო საერთო რადიომაუწყებლობის ლიცენზიას ფლობს, №B59 ლიცენზიის მოქმედების ვადა 2021 წლის 31 დეკემბრამდეა.
კომისიის გადაწყვეტილებით შპს „მომავლის რეკლამას“ (რადიო „დარდიმანდი“) დაევალა კერძო მაუწყებლობის №B59 ლიცენზიის საკუთრებაში მიღებიდან 5 სამუშაო დღის ვადაში ლიცენზიის საკუთრებაში მიღების შესახებ ინფორმაციის, შესაბამისი დოკუმენტაციის ასლებისა და შესაბამისობის დეკლარაციის კომისიისთვის მიწოდება.
კომისიის გადაწყვეტილების ვრცელის ვერსია, გთხოვთ იხილოთ კომისიის გადაწყვეტილებების გვერდზე.