დღეს საქართველოს კომუნიკაციების ეროვნულ კომისიაში გამართულ სხდომაზე   სს“ ქვემო ქართლის ტელე–რადიო კომპანიის“ კუთვნილ სამ ლიცენზიას მოქმედების ვადა მომდევნო 10 წლით გაუგრძელდა.

კომისიის გადაწყვეტილებით “ქვემო ქართლის ტელე–რადიო კომპანიის“ კერძო მაუწყებლობის №B35 (ქ.ბოლნისი), №B36 (ქ.რუსთავი) და №B37 (ქ.მარნეული) ლიცენზიებს  მოქმედების ვადა 2013 წლის 17 აპრილიდან 2023 წლის 17 აპრილამდე გაუგრძელდა.

სალიცენზიო პირობების თანხმად,  სს ”ქვემო ქართლის ტელე-რადიო კომპანიის” სამივე ლიცენზიის სახეა კერძო მაუწყებლობა, ლიცენზიის სახეობა – საერთო ტელემაუწყებლობა, მაუწყებლობის მინიმალური ხანგრძლივობა კი დღე–ღამის განმავლობაში 19 საათი.  

გადაწყვეტილების სრული ვერსია გთხოვთ იხილოთ კომისიის გადაწყვეტილებების გვერდზე.