დღეს საქართველოს კომუნიკაციების ეროვნული კომისია და აშშ–ს საერთაშორისო განვითარების სააგენტო (USAID) ურთიერთგაგების მემორანდუმს მოეწერა ხელი. ხელმოწერის ოფიციალური ცერემონია საქართველოს კომუნიკაციების ეროვნულ კომისიაში გაიმართა და დოკუმენტს ხელი კომისიის თავმჯდომარემ, ირაკლი ჩიქოვანმა და USAID–ის  საქართველოს მისიის დირექტორმა, სტივენ  ჰაიკინმა მოაწერეს.

მემორანდუმის ხელმოწერით მხარეები თანხმდებიან, რომ სამართლიანი და კონკურენტული მარეგულირებელი გარემოს შესაქმნელად საჭიროა ინფორმაციის ხელმისაწვდომობა, საზოგადოების ცნობიერების ამაღლება, კომისიის კომუნიკაცია  არასამთავრობო სექტორთან, სამოქალაქო საზოგადოებასთან და მედიასთან.