დასრულებული: ვაკანსია კომისიის თავმჯდომარის თანაშემწის პოზიციაზე
საქართველოს კომუნიკაციების ეროვნული კომისია აცხადებს გამარტივებულ კონკურსს კომისიის თავმჯდომარის თანაშემწის პოზიციაზე.
თანამდებობრივი სარგო: 2497.5 (დარიცხული)
ანგარიშვალდებულება: კომუნიკაციების ეროვნული კომისიის თავმჯდომარე;
სამუშაოს ტიპი: სრული განაკვეთი;
გამოსაცდელი ვადა: 6 თვე
მოთხოვნები:
მინიმალური განათლება: ბაკალავრის ხარისხი
სამუშაო გამოცდილება:
ოფის-მენეჯერის ან და თანაშემწის პოზიციაზე მუშაობის მინიმუმ 1 წლიანი გამოცდილება.
უცხოური ენების ცოდნა: ინგლისური ენა B1 დონეზე
კომპიუტერული პროგრამების ცოდნა:
MS Office (Word, Excel -კარგი)
ძირითადი ფუნქციები (მოვალეობები)
- კომისიის თავმჯდომარის ადმინისტრაციული და ორგანიზაციული მხარდაჭერა;
- კომისიის თავმჯდომარის შეხვედრების დაგეგმვა/ორგანიზება; საჭიროების შემთხვევაში - დასწრება; შესაბამისი ჩანაწერების უზრუნველყოფა;
- კომისიის თავმჯდომარის მიერ სხვადასხვა სტრუქტურული ერთეულის მენეჯერებზე ან/და თანამშრომლებზე გაცემული დავალებების შესრულების ყოველდღიური და ყოველკვირეული მონიტორინგი და შესაბამისი ანგარიშგება თავმჯდომარესთან;
- შემოსული და გასული კორესპონდენციის წარდგენა კომისიის თავმჯდომარისთვის და მიმდინარეობის კონტროლი;
- ადმინისტრაციული საქმიანობის მართვა, წერილების და დოკუმენტების დახარისხება, შენახვა და შესაბამის პროგრამაში აღრიცხვა;
- ზარების მართვა, შესაბამის პირებთან გადამისამართება, საჭიროების შემთხვევაში- ჩანაწერების გაკეთება;
- კომისიის თავმჯდომარის შეხვედრების ორგანიზება;
- კომისიის თავმჯდომარის სხვა დავალებების შესრულება და მართვა
კომპეტენცია და უნარები:
v დროის მართვა;
v ეფექტური ზეპირი და წერითი კომუნიკაციის უნარი;
v აქტიური მოსმენის უნარი;
v სიზუსტე და დეტალებზე ორიენტირებულობა;
v უნარები: ორგანიზებულობა, პასუხისმგებლობა, ინიციატივა.
ინტერესთა კონფლიქტი:
„მაუწყებლობის შესახებ“ საქართველოს კანონის მე–11 მუხლის შესაბამისად ინტერესთა კონფლიქტს წარმოადგენს და კომისიაში ნებისმიერ პოზიციაზე არ შეიძლება დაინიშნოს პირი თუ:
ა) არის სხვა ადმინისტრაციული ორგანოს თანამდებობის პირი;
ბ) არის პოლიტიკური პარტიის წევრი;
გ) ასრულებს რაიმე ანაზღაურებად სამუშაოს იმ პირისათვის, რომლის საქმიანობაც განეკუთვნება კომისიის რეგულირების სფეროს;
დ) ფლობს იმ საწარმოს აქციებს ან საწესდებო კაპიტალის წილს, რომლის საქმიანობაც განეკუთვნება კომისიის რეგულირების სფეროს;
ე) არის თანამდებობის პირი, წარმომადგენელი, რწმუნებული ან კონსულტანტი იმ პირისა, რომლის საქმიანობაც განეკუთვნება კომისიის რეგულირების სფეროს;
ვ) აქვს სხვა პირდაპირი ან არაპირდაპირი ეკონომიკური ინტერესი იმ პირის მიმართ, რომლის საქმიანობაც განეკუთვნება კომისიის რეგულირების სფეროს;
თუ თანამდებობაზე დანიშვნის შემდეგ გამოვლინდა აღნიშნული გარემოება, დანიშნული პირი გათავისუფლდება დაკავებული თანამდებობიდან.
ინტერესთა კონფლიქტის ფორმის ნიმუში იხილეთ თანდართულ ფაილში.
კონკურსში მონაწილეობის მიღება:
მითითებული ელექტრონული ფოსტის მისამართზე hr@gncc.ge აპლიკანტმა უნდა გამოაგზავნოს - თავისი რეზიუმე, უმაღლესი განათლების დამადასტურებელი დოკუმენტები, მუშაობის დამადასტურებელი დოკუმენტები (შრომის წიგნაკი, ცნობა სამუშაო ადგილიდან ან დამსაქმებელთან გაფორმებული ხელშეკრულების ასლი); ხელმოწერილი ხელწერილი ინტერესთა კონფლიქტის შესახებ. (იხ. დანართი)
კონკურსის ეტაპებია: საბუთების გადარჩევა და გასაუბრება.
საბუთების მიღების ვადაა: 2018 წლის 16 აპრილიდან 29 აპრილის ჩათვლით.