1. მე-7 მუხლი ჩამოყალიბდეს შემდეგი რედაქციით:

„მუხლი 7. მომხმარებლის შესახებ მომსახურების მიმწოდებელთან დაცული ინფორმაცია

1. მომსახურების მიმწოდებელთან დაცული უნდა იყოს მომხმარებლის შესახებ შემდეგი ინფორმაცია:

ა) მომხმარებლის საიდენტიფიკაციო და საკონტაქტო მონაცემები;

ბ) აბონენტისთვის გადაცემული ან მის მიერ გამოყენებული აპარატურის/მოწყობილობის მონაცემები;

გ) მომსახურების მიწოდების შესახებ ხელშეკრულება/ხელშეკრულებები ან მასთან დაკავშირებული გარიგებები;

დ) გადახდების შესახებ ინფორმაცია;

ე) მიღებული ან გაწეული მომსახურების შესახებ ინფორმაცია (მათ შორის, გამავალი/შემავალი სატელეფონო კომუნიკაციის დეტალური ამონაწერი).

2. თუ სპეციალური კანონმდებლობით მონაცემთა შენახვის სხვა ვადა არ არის განსაზღვრული, ამ მუხლის პირველი პუნქტის „ა“–„გ“ ქვეპუნქტებით განსაზღვრული ინფორმაცია ინახება სახელშეკრულებო ურთიერთობის შეწყვეტიდან 4 წლის განმავლობაში, ხოლო „დ“ და „ე“ ქვეპუნქტით განსაზღვრული ინფორმაცია – მომსახურების გაწევიდან ან ქმედების განხორციელებიდან 4 წლის განმავლობაში.

3. მომსახურების მიმწოდებელი ვალდებულია ამ მუხლის მეორე პუნქტით გათვალისწინებული მონაცემების შენახვის ვადის ამოწურვისთანავე უზრუნველყოს ამ მონაცემების ავტომატური განადგურება. ავტომატური განადგურების ტექნიკური აღსრულების ვადა არ შეიძლება აღემატებოდეს 30 დღეს.“.

2. მომსახურების მიმწოდებელი ვალდებულია ამ დადგენილების პირველი მუხლით განსაზღვრული მონაცემები, გარდა ამ მუხლის პირველი პუნქტით განსაზღვრული მონაცემებისა, რომელთა შენახვის ვადა გასულია დადგენილების ამოქმედების თარიღისთვის გაანადგუროს არაუგვიანეს 6 თვის ვადაში, თუ მონაცემები დაცულია ელექტრონული სახით, ხოლო არაუგვიანეს 3 წლის ვადაში, თუ მონაცემები დაცულია მატერიალური სახით.