საქართველოს კომუნიკაციების ეროვნული კომისიის 2024 წლის 21 ოქტომბრის №გ-24-1/466 გადაწყვეტილებაში ტექნიკური შეცდომის გასწორების შესახებ

I. აღწერილობითი ნაწილი

1.საქართველოს კომუნიკაციების ეროვნული კომისიის (შემდგომში - კომისია) 2024 წლის 21 ოქტომბრის №გ-24-1/466 გადაწყვეტილებაში დაშვებულ იქნა ტექნიკური შეცდომა, კერძოდ, გადაწყვეტილების პირველი პუნქტის ვ) ქვეპუნქტში მითითებულ გრაფიკში 2024 წლის დეკემბერი- 2025 წლის ოქტომბრის პერიოდზე გადასახდელ თანხად მითითებულია „1 130 678.09 ლარი“ ნაცვლად „1 652 202.82 ლარი“-სა.

II. სამოტივაციო ნაწილი

2.საქართველოს ზოგადი  ადმინისტრაციულიკოდექსის 59-ე მუხლის პირველი ნაწილის შესაბამისად, „ადმინისტრაციული ორგანო უფლებამოსილია მის მიერ გამოცემულ ინდივიდუალურ ადმინისტრაციულ-სამართლებრივ   აქტში   გაასწოროს   ტექნიკური,   აგრეთვე გამოთვლის დროს დაშვებული შეცდომები“. ამავე მუხლის მე-2 და მე-3 ნაწილების შესაბამისად, ინდივიდუალურ ადმინისტრაციულ-სამართლებრივ აქტში არსებითი შესწორების შეტანა ნიშნავს ახალი ადმინისტრაციულ-სამართლებრივი   აქტის   გამოცემას.   შეცდომების   გასწორება   უნდა გამოქვეყნდეს ან  გადაეცეს  ოფიციალური  გაცნობისთვის  იმავე  წესით,  რომელიც  დადგენილია ინდივიდუალური ადმინისტრაციული-სამართლებრივი   აქტის  გამოქვეყნებისათვის ან გაცნობისათვის.

3.„ელექტრონული  კომუნიკაციების  შესახებ“  საქართველოს  კანონის  მე-10  მუხლის  პირველი პუნქტის შესაბამისად, კომისიის სამართლებრივი აქტები განისაზღვრება „მაუწყებლობის შესახებ“ საქართველოს კანონით. თავის მხრივ, „მაუწყებლობის შესახებ“ საქართველოს კანონის მე-8 მუხლის მე-3 პუნქტის შესაბამისად, „კომისიის გადაწყვეტილება არის ინდივიდუალური სამართლებრივი აქტი, რომელიც   მიიღება   კანონმდებლობით   კომისიისთვის   მინიჭებული   უფლებამოსილების ფარგლებში.“

4.კომისიის 2024 წლის 21 ოქტომბრის №გ-24-1/466 გადაწყვეტილების პირველი პუნქტის ვ) ქვეპუნქტში მითითებულია, რომ შპს „მაგთიკომმა“ რადიოსიხშირული სპექტრით სარგებლობის №F113 ლიცენზიისათვის განსაზღვრული ამოწურვადი რესურსით სარგებლობის საფასურის დარჩენილი 70%-ის-19 826 433.90 (ცხრამეტი მილიონ რვაასოცდაექვსი ათას ოთხასოცდაცამეტი ლარი და ოთხმოცდაათი თეთრი) გადახდა უნდა უზრუნველყოს 12 ყოველთვიურ ტრანშად - 2024 წლის ნოემბრიდან 2025 წლის ოქტომბრის ჩათვლით, თუმცა გრაფიკში 2024 წლის დეკემბერი - 2025 წლის ოქტომბრის პერიოდზე ნაცვლად 1 652 202.82 ლარისა მითითებულია 1 130 678.09 ლარი, რაც წარმოადგენს ტექნიკურ, გამოთვლის დროს დაშვებულ შეცდომას (19 826 433.90 : 12 = 1 652 202.82 ლარს და არა 1 130 678.09 ლარს) და შესაბამისად, საქართველოს ზოგადი ადმინისტრაციული კოდექსის 59-ე მუხლის შესაბამისად უნდა გასწორდეს.

III.  სარეზოლუციო ნაწილი

„მაუწყებლობის შესახებ“ საქართველოს კანონის მე-8 მუხლის მე-3 პუნქტის, საქართველოს ზოგადი ადმინისტრაციული კოდექსის 59-ე მუხლის, „საქართველოს კომუნიკაციების ეროვნული კომისიის საქმიანობის მარეგულირებელი წესების დამტკიცების თაობაზე“ კომისიის 2003 წლის 27 ივნისის №1დადგენილებით დამტკიცებული „საქართველოს კომუნიკაციების ეროვნული კომისიის საქმიანობის მარეგულირებელი წესების“ მე-11 მუხლის მე-6 პუნქტის საფუძველზე კომისიამ, კენჭისყრის შედეგად, ერთხმად

გადაწყვიტა:

1.გასწორდეს კომისიის 2024 წლის 21 ოქტომბრის №გ-24-1/466 გადაწყვეტილებაში დაშვებული ტექნიკური   შეცდომა   და   გადაწყვეტილების პირველი პუნქტის ვ) ქვეპუნქტი ჩამოყალიბდეს შემდეგი რედაქციით:

“ვ)შპს „მაგთიკომმა“ უზრუნველყოს რადიოსიხშირული სპექტრით სარგებლობის №F113 ლიცენზიისათვის  განსაზღვრული  ამოწურვადი რესურსით  სარგებლობის  საფასურის დარჩენილი 70%-ის - 19 826 433.90 (ცხრამეტი მილიონ რვაასოცდაექვსი ათას ოთხასოცდაცამეტი ლარი და ოთხმოცდაათი თეთრი) ლარის საქართველოს ცენტრალურ სახელმწიფო ბიუჯეტში გადახდა შემდეგი  რეკვიზიტებისა და გრაფიკის  მიხედვით:

მიმღები: ხაზინის ერთიანი ანგარიში-ა/ა-N200122900 ბანკი: სახელმწიფო ხაზინა

ბანკის კოდი: TRESGE22

საბიუჯეტო შემოსავლის სახაზინო კოდი: N300773402

1 652 202.82 ლარი - 2024 წლის 21 ნოემბრამდე;

1 652 202.82 ლარი - 2024 წლის 21 დეკემბრამდე;

1 652 202.82 ლარი - 2025 წლის 21 იანვრამდე;

1 652 202.82 ლარი - 2025 წლის 21 თებერვლამდე;

1 652 202.82 ლარი - 2025 წლის 21 მარტამდე;

1 652 202.82 ლარი - 2025 წლის 21 აპრილამდე;

1 652 202.82 ლარი - 2025 წლის 21 მაისამდე;

1 652 202.82 ლარი - 2025 წლის 21 ივნისამდე;

1 652 202.82 ლარი - 2025 წლის 21 ივლისამდე;

1 652 202.82 ლარი - 2025 წლის 21 აგვისტომდე;

1 652 202.82 ლარი - 2025 წლის 21 სექტემბრამდე;