ააიპ “არასამეწარმეო მედია-კავშირი ობიექტივის” მაუწყებლობის ავტორიზაციის მოდიფიცირების შესახებ

განმცხადებელი: ააიპ “არასამეწარმეო მედია-კავშირი ობიექტივი”;

კომისიის სხდომის თარიღი: 04.04.2024.

I. აღწერილობითი ნაწილი

1. საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიას განცხადებით მიმართა ააიპ “არასამეწარმეო მედია-კავშირი ობიექტივმა” (კომისიაში რეგისტრაციის № შ-24-7/1933 02/04/2024) მაუწყებლობის ავტორიზაციის (BR-873, 15.07.2015) მოდიფიცირების შესახებ. კერძოდ, კომპანიას სურს 2024 წლის 5 აპრილიდან გავრცელდეს შპს„ტელეკომპანია  ეგრისის“ სენაკის მულტიპლექსპლატფორმის საშუალებით. ხელმისაწვდომობა მულტიპლექსპლატფორმით გავრცელებისას იქნება უფასო. ააიპ “არასამეწარმეო მედია-კავშირი ობიექტივის" წერილზე თნდართულია შპს „ტელეკომპანია ეგრისის“ წერილი ააიპ “არასამეწარმეო მედია კავშირი ობიექტივის" სატელევიზიო კონტენტის გავრცელების მზაობის შესახებ.

2. კომისია აღნიშნავს, რომ ააიპ “არასამეწარმეო მედია-კავშირი ობიექტივი” ფლობს ავტორიზაციას მაუწყებლობაზე (BR-873, 15.07.2015), შემდეგი საავტორიზაციო პირობებით:

ა) მაუწყებლობის სახე: ტელემაუწყებლობა;

ბ) მაუწყებლობის სახეობა: კერძო მაუწყებლობა;

გ) მაუწყებლობის ქვესახეობა: საერთო ტელემაუწყებლობა;

დ) მაუწყებლობის ენა: ქართული, ინგლისური, რუსული;

ე) მაუწყებლობის ხანგრძლივობა დღე-ღამის განმავლობაში: 24 საათი;

ვ) მაუწყებლობის გავრცელების ტექნოლოგია და აღნიშნულის შესაბამისად მაუწყებლობის გავრცელების სავარაუდო გეოგრაფიული არეალი:

ვ.ა) თბილისის მულტიპლექსი, შპს „სტერეო+“-ის მულტიპლექსი;

ვ.ბ) თანამგზავრული სისტემების მიწისზედა და ორბიტალური სადგურები (საქართველო); ვ.გ) ინტერნეტი (საქართველო);

ვ.დ) მაუწყებლობის გავრცელების სხვა ტექნოლოგიები (საქართველო);

ზ) მაუწყებლობის ხელმისაწვდომობა:

ზ.ა) ციფრული მიწისზედა სატელევიზიო ქსელი - ღია (უფასო);

ზ.ბ) თანამგზავრული სისტემების მიწისზედა და ორბიტალური  სადგურები - უფასო; ზ.გ) ინტერნეტი - უფასო;

ზ.დ) მაუწყებლობის გავრცელების სხვა ტექნოლოგიები  - უფასო.

3. კომისია აღნიშნავს, რომ ”მაუწყებლობის შესახებ” საქართველოს კანონის 382-ე მუხლის მე-2 პუნქტის შესაბამისად ავტორიზაცია, ავტორიზაციის პირობების მოდიფიცირება და ავტორიზებული პირის ინიციატივით ავტორიზაციის შეჩერება ან გაუქმება ხორციელდება მარტივი ადმინისტრაციული წარმოების წესით.  ამავე კანონის 451   მუხლის მე-9 პუნქტის თანახმად თუ ავტორიზებულ პირს განზრახული აქვს ავტორიზებული საქმიანობის, მათ შორის, სახეობის, მოდიფიცირება, ავტორიზებული პირი ვალდებულია აღნიშნული 7 სამუშაო დღით ადრე შეატყობინოს კომისიას. ავტორიზაციის შეწყვეტის შესახებ ინფორმაცია, აგრეთვე ავტორიზებული საქმიანობის, მათ შორის, სახეობის, მოდიფიცირების თაობაზე მონაცემები შეიტანება ავტორიზებულ პირთა უწყებრივ რეესტრში.

4. კომისიის 2024 წლის 4 აპრილის სხდომას არ ესწრებოდა ააიპ “არასამეწარმეო მედია-კავშირი ობიექტივის” წარმომადგენელი.

II. სამოტივაციო ნაწილი

კომისია აღნიშნავს, რომ სხდომაზე არ გამოვლენილა მოდიფიცირების დამაბრკოლებელი გარემოება შესაბამისად ზემოაღნიშნულის გათვალისწინებით, კომისიას მიაჩნია, რომ უნდა განხორციელდეს ააიპ “არასამეწარმეო მედია-კავშირი ობიექტივის” მაუწყებლობის ავტორიზაციის (BR-873, 15.07.2015) მოდიფიცირება და ციფრული მიწისზედა სატელევიზიო ქსელით მაუწყებლობის გავრცელების ტექნოლოგიას   უფასო   ხელმისაწვდომობით   უნდა   დაემატოს   შპს „ტელეკომპანია ეგრისის“ სენაკის  მულტიპლექსი.

III. სარეზოლუციო ნაწილი

ყოველივე ზემოაღნიშნულის გათვალისწინებით, კომისიამ, „მაუწყებლობის შესახებ“ საქართველოს კანონის 382-ე მუხლის მე-2 და 451 მუხლის მე-9 პუნქტის შესაბამისად, კენჭისყრის შედეგად, ერთხმად

გადაწყვიტა:

1. მოდიფიცირდეს ააიპ “არასამეწარმეო მედია-კავშირი ობიექტივის” (ს/კ 404385465) მაუწყებლობის ავტორიზაცია (BR-873, 15.07.2015) და:

ა) მაუწყებლობის გავრცელების ტექნოლოგიად და აღნიშნულის შესაბამისად სავარაუდო გეოგრაფიულ არეალად დამატებით განისაზღვროს ციფრული მიწისზედა სატელევიზიო ქსელი - შპს „ტელეკომპანია ეგრისის“ სენაკის  მულტიპლექსი;

ბ) შპს „ტელეკომპანია ეგრისის“ სენაკის  მულტიპლექსით მაუწყებლობის დაწყების თარიღი: 2024 წლის 5 აპრილი;

2. ააიპ “არასამეწარმეო მედია-კავშირი ობიექტივის” ავტორიზაციის მოდიფიცირების თარიღია: 04.04.2024, 15:07 სთ.

3. ააიპ “არასამეწარმეო მედია-კავშირი ობიექტივი” ვალდებულია:

ა) დაიცვას მედიამომსახურების სფეროში მოქმედი საქართველოს კანონმდებლობა, მათ შორის, კომისიის დადგენილებები და გადაწყვეტილებები, მედიამომსახურების სფეროში მოქმედ საქართველოს კანონმდებლობაში ცვლილებების შეტანის შემთხვევაში უზრუნველყოს ავტორიზებული საქმიანობის მათთან შესაბამისობა;

ბ) დაიცვას ავტორიზაციის ყველა პირობა, რომლებიც მის საავტორიზაციო განცხადებაშია ასახული;

გ) თავისი საქმიანობის განხორციელებისას დაიცვას პირთა უფლებები, თავისუფლებები და კანონიერი ინტერესები, წინასწარ აცნობოს მომხმარებელს მომსახურების პირობების შესაძლო ცვლილების შესახებ;

დ) ყოველკვირეულად გამოაქვეყნოს და კომისიას მიაწოდოს მომდევნო კვირის პროგრამების განრიგი, პროგრამების დასახელებისა და მოკლე ანოტაციის მითითებით;