სს ”სილქნეტისა” და შპს ”კავკასუს ონლაინის” შერწყმაზე წინასწარი თანხმობის მიღების მიზნით კომპანიების ერთობლივი განცხადების საფუძველზე, კომისიამ 2015 წლის 11 აგვისტოს საჯარო ადმინისტრაციული წარმოება დაიწყო.

საქართველოს კომუნიკაციების ეროვნულმა კომისიამ სს „სამეგრელოს სამაუწყებლო ტელევიზია“  „მაუწყებლობის შესახებ“ საქართველოს კანონის დარღვევის გამო წერილობით გააფრთხილა.

საქართველოს კომუნიკაციების ეროვნული კომისიის გადაწყვეტილებით შპს „რადიო არტის“ კერძო საერთო რადიომაუწყებლობის ლიცენზია სპეციალიზებულ (გასართობ) რადიომაუწყებლობის ლიცენზიად მოდიფიცირდა.

საქართველოს კომუნიკაციების ეროვნული კომისიის გადაწყვეტილებით მაუწყებლობაზე ავტორიზაცია შპს „საქართველოს მედია ქსელებმა“ გაიარა.

ანალოგური მიწისზედა საეთერო სიგნალის გადამცემი სადგურები სამეგრელოში 2015 წლის 6 აგვისტოს 10:00 საათზე გაითიშება. სამეგრელო მეხუთე სამაუწყებლო ზონაა, სადაც ანალოგური მიწისზედა საეთერო მაუწყებლობა ითიშება.

საქართველოს კომუნიკაციების ეროვნულმა კომისიამ ააიპ „არასამეწარმეო მედია-კავშირი ობიექტივი“ წერილობით გააფრთხილა.

საქართველოს კომუნიკაციების ეროვნულმა კომისიამ არასამთავრობო ორგანიზაცია „ადამიანის უფლებათა ცენტის“ საჩივარი ააიპ „სამოქალაქო განვითარების ფონდის“, იგივე „ტაბულას“ წინააღმდეგ წარმოებაში მიიღო.

2015 წლის 1-ელ ივლისს, საქართველოს მასშტაბით დაიწყო ანალოგური მიწისზედა საეთერო სიგნალის ეტაპობრივი გათიშვა, რომელიც 25 აგვისტოს დასრულდება.

საქართველოს კომუნიკაციების ეროვნულმა კომისიის აპარატის რეორგანიზაცია-რესტრუქტურიზაციის უზრუნველსაყოფად საორგანიზაციო კვლევის საკონსულტაციო მომსახურების შესყიდვაზე გამოცხადებულ ტენდერში შპს  „PMCG“- მ გაიმარჯვა.

2015 წლის 18 ივლისს, 10:00 საათზე ანალოგური მიწისზედა საეთერო სიგნალი გაითიშება ქუთაისში, ტყიბულში, ცაგერში, ფოთში, ჩოხატაურში, ოზურგეთში, ზესტაფონში, მარტვილში, სამტრედიაში, ხონსა და სენაკში, აგრეთვე გაითიშება აბაშის, ბაღდათის, ვანის, ზესტაფონის, ზუგდიდის, თერჯოლის, ლანჩხუთის, მარტვილის, ოზურგეთის, სამტრედიის, სენაკის, ტყიბულის, ქობულეთის, ჩოხატაურის, წყალტუბოს, ხარაგაულის, ხობისა და ხონის მუნიციპალიტეტების ტერიტორიაზე განთავსებული ხელშემშლელი ანალოგური სატელევიზიო გადამცემები.